ԱՄՆ գիտնականները հայտնել են, թե որ ախտանշանն է ցույց տալիս արյան մեջ շաքարի պարունակության բարձր մակարդակը: Այս մասին հաղորդում է Express-ը: Եթե մարդու մոտ ի հայտ է գալիս այդ ախտանշանը, ապա նա պետք է ստուգի շաքարային դիաբետի զարգացման հավանականությունը:
Խոսքը քսերոզի՝ վերնամաշկի եղջերաթաղանթի շերտի խոնավության մակարդակի նվազեցման մասին է, ինչի հետևանքով մաշկը թեփոտում է, դառնում է կոպիտ ու չոր և նույնիսկ հնարավոր է քոր: Դիաբետի դեպքում շատ հաճախ հնարավոր են մաշկային խնդիրներ՝ վստահեցնում են գիտնականները: Ճաքեր են առաջանում արմունկներին և ոտնաթաթերին: Դա կապված է օրգանիզմի ջրազրկման վրա գլյուկոզայի ազդեցության հետ:
Չարժե անտեսել այդ ախտանշանները, որովհետև դա կարող է հանգեցնել դիաբետի բարդ ձևի:
Հարկ է հավելել, որ կորոնավիրուսով ծանր հիվանդների շրջանում շատ պացիենտներ դիաբետ ունեն: Արյան հետ կապված հիվանդություններ ունեցողները մտնում են ռիսկի առաջին խմբում, ուստի նրանք պետք է կիրառեն անվտանգության բարձրագույն միջոցառումներ: