Եթե հարց լինի, Արցախի պարետատունը պետք է տուգանի Հայաստանի պետական այրերին

ԱԺ «Իմ քայլը» խմբակցության պատգամավոր Սոս Ավետիսյանի կարծիքով՝ պետական այրերից այսօր պահանջվում է ավելի շատ վիզուալ ուղերձներ։ Անդրադառնալով այն լուսանկարներին, որտեղ ՀՀ և Արցախի պաշտոնյաները, առանց հակահամաճարակային կանոնները պահելու, զրուցում են, ընթրում են, նկատում է՝ Արցախ մեկնելիս Հայաստանի ներկայացուցիչները պահել են բոլոր կանոնները, իսկ լուսանկարների հետ կապված ընդգծում է․ «Եթե հարց լինի,Արցախի պարետատունը պետք է տուգանի Հայաստանի պետական այրերին»։ Սոս Ավետիսյանն անդրադառնում է նաև Արսեն Թորոսյանի երեկվա գրառմանը՝ կապված ԱԱԾ նախկին տնօրեն Արթուր Վանեցյանի՝ հակաճգնաժամային ժամանակավոր կառավարություն ստեղծելու մտադրության հետ, խոսում նախկինների ակտիվացման պատճառների ու «մի քանի անհայտով հավասարում լուծելու ձախողված փորձերի մասին»։