Հակավիրուսային դեղեր չունենք, պաշտպանությունը հակամարմինն է․ բժիշկ

Հայաստանում անցած մեկ օրում կորոնավիրուսի դեպքերի թիվն աճել է 218-ով՝ հասնելով 5 հազար 41-ի, գրանցվել է հիվանդությունից մահվան ևս 3 դեպք, հաղորդում է Առողջապահության նախարարությունը: Գերատեսչության հաղորդագրության համաձայն՝ հիվանդությունից բուժվածների թիվն ավելացել է 145-ով և հասել 2 հազար 164-ի: Մահվան նոր դեպքի վերաբերյալ նախարարությունը հայտնում է, որ «բուժառուները եղել են 56, 59, 74 տարեկան և ունեցել են ուղեկցող քրոնիկական հիվանդություններ»: Մահացածների ընդհանուր թիվը հասավ 64-ի, կորոնավիրուսով վարակված ևս 25 անձ, ըստ Առողջապահության նախարարության, մահացել է այլ պատճառներով:Այսպիսով, կորոնավիրուսային հիվանդությունից տվյալ պահին Հայաստանում բուժվում է 2 հազար 788 մարդ: Թեմայի շուրջ «Առաջին լրատվական»-ը զրուցել է բժիշկ ալերգոլոգ-իմունոլոգ Մարիամ Մովսիսյանի հետ: