Ադրբեջանական 1news.az կայքի փոխանցմամբ՝ Ադրբեջանի արտգործնախարարությունը մեկնաբանել է հայկական լրատվամիջոցներում տեղ գտած այն տեղեկատվությունը, ըստ որի՝ հնարավոր է շուտով բացվի Երևան-Վան ուղիղ ավիաչվերթ։
Ադրբեջանի արտգործնախարարության մամլո ծառայության պետի տեղակալ Էլման Աբդուլաևը հայտարարել է, որ ադրբեջանական կողմը հետևում է իրավիճակի զարգացմանը. «Թուրքիայի ու Հայաստանի փոխհարաբերությունները այդ երկու երկրների գործն է։ Մենք չենք միջամտում երրորդ երկրների գործին, սակայն եթե դա շոշափի Ադրբեջանի ազգային շահերը, ապա այդ դեպքում մենք մեզ արձագանքելու իրավունք կվերապահենք»։
Հիշեցնենք, որ այսօր Վանի Առևտրա-արդյունաբերական պալատի խորհրդի ղեկավար Աբդուլլահ Թյունջեմիրը Երևանում հայտարարել է, որ Երևան-Վան առաջին ավիաչվերթը կարող է տեղի ունենալ սեպտեմբերի 11-ին։
