Անդրադառնալով Վրաստանի և վրաց ուղղափառ եկեղեցու իշխանությունների միջև համատեղ հանձնաժողովների ստեղծմանը՝ Թբիլիսիի հայերի ասամբլեայի ղեկավար Առնոլդ Ստեփանյանը «Առաջին լրատվական»-ի հետ զրույցում հայտնեց, որ դա նախ և առաջ կարևոր է բանակցությունների համար ձևաչափի ստեղծման տեսանկյունից.
«Իսկ նման հարցերի քննարկումը՝ հանձնել, թե ոչ այլ կրոնների և դավանանքների սեփականությանը, այդ թվում նաև Հայ առաքելական եկեղեցու, թեև մտնում է այդ հանձնաժողովի անմիջական ֆունկցիաների մեջ, բայց և այնպես, համոզված եմ, չի քննարկվի առանց հաշվի առնելու կրոնական փոքրամասնության կարծիքները: Տվյալ հանձնաժողովը ընդամենը մի տեսակ երաշխիք է և հսկիչ մեխանիզմ Վրաց ուղղափառ եկեղեցու համար, նրա նշանակությունը իբրև գործընկերոջ, չի անտեսվի իր համար քաղաքավարի, նուրբ հարցերը քննարկելիս:
Բոլոր դեպքերում, չնայած հանձնաժողովի գոյությանը, Հայ առաքելական եկեղեցու սեփականության հարցի կարգավորումը երեք կողմի խորհրդակցության առարկա է՝ Վրաստանի իշխանությունների, Հայ առաքելական եկեղեցու և Վրաց ուղղափառ եկեղեցու: Ուզում եմ նաև նշել, որ չնայած նրան, որ հայկական եկեղեցիները գտնվում են պետական հաշվեկշռի (բալանսի) վրա, վերջերս, ելնելով իրավիճակից, իրավական անձի հանրային իրավունքի օրենքին ներկայացրած բացատրական գրության մեջ, փաստորեն, անօրինականացված է այն, որ սեփականության հանձնելու հարցը պետք է քննարկվի Վրաց եկեղեցու հետ, այսինքն՝ այն պայմանակարգով, որում առաջ գործել են հայ և վրաց եկեղեցիները»,- հավելեց Առնոլդ Ստեփանյանը:
