ԱՄՆ նախագահ Դոնալդ Թրամփը հայտարարել է, որ COVID-19-ի հետ կապված իրավիճակը երկրում բարելավվում է: Այդ մասին հայտնում է ՌԻԱ Նովոստին:
Ըստ նրա, Միացյալ Նահանգների բոլոր նահանգները «կա՛մ լավ վիճակում են, կա՛մ ամեն ինչ ավելի լավ է ընթանում»:
Ամերիկացի առաջնորդը նշել է, որ Նյու Յորքում, Չիկագոյում, Բոստոնում և Նոր Օռլեանում վարակակիրների թիվը նվազում է, իսկ երկրի ճգնաժամային այլ կետերում, որտեղ դիտվել է COVID-19-ի բռնկումը, կայունացել է վարակակիրների թիվը:
Ավելի վաղ հայտնի էր դարձել, որ համաճարակի սկզբից ի վեր Միացյալ Նահանգներում ավելի քան մեկ միլիոն մարդ վարակվել է նոր տեսակի կորոնավիրուսով:
