Իսրայելի առողջապահության նախարար Յակով Լիցմանը հայտարարել է իր հրաժարականի մասին, հաղորդում է Իսրայելի Kan պետական ռադիոն:
Ըստ լրատվամիջոցների, Լիցմանը այդ մասին տեղեկացրել է վարչապետ Բենյամին Նեթանյահուին՝ խնդրելով իրեն տեղափոխել շինարարության և բնակարանային տնտեսության նախարարություն՝ որպես նախարար:
Նշվում է, որ առողջապահության նախարարության ղեկավարը նման որոշում է կայացրել երկրում կորոնավիրուսային վարակի տարածման դեմ պայքարի համար գերատեսչության գործողությունների քննադատության ֆոնին:
Ավելի վաղ նախարարը քննադատության էր ենթարկվել քաղաքական հակառակորդների կողմից՝ նոր տիպի կորոնավիրուսի տարածման դեմ պայքարում ձեռնարկած գործողությունների համար:
Ինքը՝ Լիցմանը, վարակվել է կորոնավիրուսով և հիվանդությունը տարել է առանց բարդությունների՝ գտնվելով տանը:
