Հայաստանի Հանարպետությունը կշարունակի ապրել արտակարգ դրության պայմաններում. պատճառը կորոնավիրուսի համավարակի տարածումն է: Աշխարհի տարբեր երկրներում համանման իրավիճակ է, գործում են խիստ սահմանափակումներ, և սրան զուգահեռ իրականացվում են տարբեր աջակցության ծրագրեր: «Հայաստան» համահայկական հիմնադրամը նույնպես միացել է այս նախաձեռնություններին, հիմնադրամը ստացված նվիրատվությունները համախբում է, և առողջապահության համակարգին օգնելու համար այս ընթացքում հավաքագրված գումարը կուղղի անհրաժեշտ բժշկական պարագաների տրամադրմանը:
«Հայաստան» հիմնադրամի տնօրեն Հայկակ Արշամյանն «Առաջին լրատվական»-ի հետ զրույցում նշեց, որ հիմնադրամը մշտապես ուշադրություն է դարձրել առողջապահական ոլորտին՝ Նորքի ինֆեկցիոն հիվանդանոցը հիմնանորոգվել է հիմնադրամի շնորհիվ, Սուրբ Գրիգոր Լուսավորիչ հիվանդանոցի երկու բաժանմունք ևս հիմնադրամի գումարներով են վերանորոգվել:
«208 հազար դոլարից ավելի գումար է հավաքագրվել, շուտով այդ գումարը առնվազն 10-15 հազարով կավելանա, և այդ գումարից արդեն 130 հազար գումար ծախսվել է բժշկական սարքավորումներ և պարագաների ձեռքբերման համար և տրամադրվել է առողջապահության նախարարությանը: Սպասում ենք նաև նոր սարքավորումների և պարագաների»,- նշեց Հ. Արշամյանը՝ հավելելով, որ հիմնադրամի գումարները գեներացվում են աշխարհի տարբեր երկրների գրեթե բոլոր հայ համայնքների կողմից, ինչպես նաև Հայաստանից:
Անդրադառնալով դիտարկմանը, որ այս ընթացքում նաև կառավարությունն է հաշվեհամար բացել, որին ֆինանսական աջակցություն է փոխանվցում, մինչդեռ եթե «Հայաստան» հիմնադրամին փոխանցվեր գուցեև բարձրանար հիմնադրամի վստահությունը, Հ. Արշամյանը նշեց. «Հիմնադրամի վստահությունը լավ հիմքերի վրա է… Իհարկե, լավ կլիներ ֆինանսկան աջակցությունը կատարվեր հիմնադրամի խողովակով, բայց պետք է հաշվի առնել նաև արտակարգ իրավիճակը… Պարետատունը ուղիղ է տնօրինում հաշիվները: Մենք անընդհատ կապի մեջ ենք և համագործակցում են առողջապահության նախարարության, կառավարության հետ»:
Մանրամասն՝ տեսանյութում:
