Կիեւում ԱՄՆ երեք նախկին դեսպանները կոչ են արել օգտվել համավարակից, «ճնշել Ռուսաստանին» եւ վերադարձնել Ղրիմն Ուկրաինային: Նրանց կոչը հրապարակվել է NPR-ում:
Ինչպես գտնում են նախկին դեսպանները, կորոնավիրուսը կարող է Ուկրաինայում հակամարտության ավարտի հնարավորություն դառնալ: Նրանց կարծիքով, համավարակի պատճառով առաջացած ճգնաժամը «կարող է Ռուսաստանին ստիպել վերադարձնել Ղրիմը»: Եթե դա կատարվի, փոխարենը Վաշինտոնը կչեղարկի Ուկրաինայի իրավիճակի հետ կապված մտցված պատժամիջոցները:
Ավելի վաղ, Ռուսաստանը և 28 այլ երկրներ ՄԱԿ-ի Անվտանգության խորհրդին առաջարկել էին բանաձև ընդունել միակողմանի պատժամիջոցների վերացման վերաբերյալ, որոնք երկրներին խանգարում են կորոնավիրուսների դեմ պայքարում: Բանաձեւը մերժվել էր ԱՄՆ-ի, Ուկրաինայի, Վրաստանի և Մեծ Բրիտանիայի մասնակցությամբ:
Ղրիմը Ռուսաստանի Դաշնության կազմ է մտել 6 տարի առաջ անցկացված հանրաքվեից հետո: Ինչպես ցույց են տալիս հարցումները, տարածաշրջանի բնակիչների մեծ մասը դրական է համարում Ռուսաստանի հետ վերամիավորումը: Ռուսաստանի իշխանությունները փակ են համարում Ղրիմի պատկանելիության իրավունքի հարցը: Մինչդեռ, շատ արտասահմանյան երկրներ դեռևս չեն ճանաչում այդ տարածաշրջանը որպես Ռուսաստանի մաս: