«Ալ-Քաիդա»-ի հետ կապված եմենյան ահաբեկչական կազմակերպությունը հայտարարել է, որ պատրաստվում է մուլտեր նկարահանել, որոնց միջոցով երեխաներ կհավաքագրի «համաշխարհային ջիհադի» համար: Ինչպես հաղորդում է Associated Press գործակալությունը, այդպիսին կարող է լինել մարտերին մասնակցող երեխաների մասին պատմող մուլտֆիլմը:
Ինչպես գործակալությանն ասել է Լոնդոնում գործող միավորումներից մեկը, որը պայքարում է իսլամական էքստրեմիզմի դեմ, այդ մուլտերը որակով մոտ են «Դիսնեյի» մուլտերին, սակայն թեմաները վերաբերում են Մուհամադին, սրբազան պատերազմներին և հակաարևմտյան քարոզչությանը:
Ճիշտ է, մեկ այլ փորձագետ ասել է, որ այս մուլտերը կարող են հակառակ ազդեցությունն ունենալ, քանի որ ծնողներին կվրդովեցնի այն հանգամանքը, որ «Ալ-Քաիդան» փորձում է կառավարել իրենց երեխաներին:
