Գիտնականները պարզել են, որ մարդու նախահայրերը արդեն 3.7 միլիոն տարի առաջ սկսել են քայլել՝ ինչպես ժամանակակից մարդը: Հոդվածը տպագրվել է Journal of the Royal Society Interface ամսագրում: Մինչև վերջերս հայտնի էր, որ մարդը սկսել է ուղիղ քայլել 1.9 միլիոն տարի առաջ:
Ուսումնասիրության ժամանակ հետազոտողներն հետազոտել են 11 հնադարյա հետքեր, որոնք հայտնաբերվել են Տանզանիայում՝ Լաետոլի քաղաքի մոտ 1970-ական թթ.: Կարծիք կա, որ այս հետքերը թողել են ավստրալոպիթեկները՝ Australopithecus afarensis: Համակարգչային ծրագրի միջոցով գիտնականները կարողացել են ստեղծել հետքերի եռաչափ մոդելները:
Այդ մոդելավորման շնորհիվ պարզվել է, որ Australopithecus afarensis-ը քայլել է ուղիղ մեջքով՝ հենվելով բութ մատի վրա: Սակայն մեր նախնիներն ուսումնասիրված ժամանակաշրջանում խիստ տարբերվում էին ժամանակակից մարդուց՝ նրանց ոտքերը կարճ էին, իսկ մարմինները՝ ձգված:
