ԱՄՆ նախագահ Դոնալդ Թրամփը դրական միտում է տեսել նավթի գների անկման մեջ: Համապատասխան գրառում է հայտնվել նրա Twitter-ում:
«Լավ է սպառողի համար, բենզինի գներն իջնում են»,- գրել է ամերիկյան առաջնորդը:
Մարտի 6-ին ՕՊԵԿ-ի մասնակիցները և Ռուսաստանը չեն կարողացել պայմանավորվել նավթի արդյունահանման լրացուցիչ կրճատման վերաբերյալ և չեն երկարացրել գործող սահմանափակումները: Պատճառը Մոսկվայի դիրքորոշումն էր, որը պայմանագիրը ոչ շահավետ է համարել, քանի որ դրա օգնությամբ թերթաքարային նավթի լրացուցիչ ծավալները շուկաներ է ներմուծվում ԱՄՆ-ի կողմից:
Դրանից հետո Saudi Aramco-ն հայտարարել է արդյունահանման կտրուկ աճի մասին և հաճախորդներին առաջարկել է ռեկորդային զեղչ վերջին 20 տարվա ընթացքում՝ մեկ բարելի համար մինչև 6-8 դոլար: Վերլուծաբանների կարծիքով, թագավորության գործողությունները կապված են Ռուսաստանին պատժելու ցանկության հետ՝ արդյունահանումը կրճատելու չկամության համար: Մոսկվան, իր հերթին, հրաժարվելով առաջարկից, բացատրել է, որ կրճատվող ծավալները փոխհատուցում են Միացյալ Նահանգները՝ օգտվելով ՕՊԵԿ+ համաձայնագրից՝ նոր շուկաներ նվաճելու համար:
Այս ֆոնին Brent տեսակի նավթի գինը նվազել է մեկ բարելի դիմաց 36.86 դոլարով, իսկ ռուսական դրամական միավորի փոխարժեքը բազմամյա մինիմումներ է գրանցում միջազգային բորսաներում: Դոլարը 75 ռուբլու մակարդակում է, իսկ եվրոն հաղթահարել է 86 ռուբլու նշաձողը: