Թուրքիայի առափնյա պահակախումբը փախստականներին արգելել է Էգեյան ծովով անցնել ԵՄ երկրներ: Այդ մասին հայտնում է TASS-ը:
Ենթադրվում է, որ նման որոշումը կապված է Թուրքիայի նախագահ Ռեջեփ Թայիփ Էրդողանի ցուցումների հետ: Ծովային ճանապարհի փակումը բացատրվում է փախստականների անվտանգության համար Թուրքիայի կառավարության մտահոգությամբ:
Փետրվարի 29-ին Էրդողանը հայտարարել էր, որ իր երկիրը Եվրամիության հետ իր սահմանները բացել է սիրիացի փախստականների համար և չի փակի իր դռները: Դրանից հետո Թուրքիայի ներքին գործերի նախարար Սուլեյման Սոյլուն ասել էր, որ Անկարան թույլ է տվել ավելի քան 100 հազար փախստականի հատել Եվրոպա հետ իր սահմանները, նրանք ժամանել են Էդիրնե նահանգ, որը սահմանակից է Հունաստանին երկրի հյուսիս-արևմուտքում:
Սահմանին ապօրինի միգրանտները գիշերում են դրսում: Հաղորդվել է ոստիկանության հետ կրկնակի փոխհրաձգությունների և սահմանը հատելու միգրանտների փորձերի, այդ թվում՝ մոլոտովի կոկտեյլներ օգտագործելու մասին:
