«Աերոֆլոտում» հայտարարել են, որ իրենց չի հաջողվում լիարժեք շահագործել Sukhoi SuperJet 100 ինքնաթիռը, քանի որ այն օդափոխության հետ կապված խնդիրներ ունի: Ինչպես հաղորդում է Vedomosti թերթը՝ համակարգը սկսում է ահազանգի կեղծ ազդանշաններ տալ, երբ այն իրականում նորմալ գործում է, ինչը լրացուցիչ խնդիրներ է առաջացնում: Նշվում է, որ ընկերությունը ստիպված է եղել դադարեցնել այդ մեքենայի շահագործումը:
Հիշեցնենք, որ այդ մեքենայի առնչությամբ վերջերս կրկին խոսվել է անսարքությունների մասին: Հուլիսի 13-ին RBC Daily-ն գրել էր, որ Հայաստանի ավիափոխադրող «Արմավիա» ընկերությանը հանձնված ռուսական SuperJet100 ինքնաթիռը լուրջ նորոգման կարիք կունենա արդեն 2000 թռիչք իրականացնելուց հետո, մինչդեռ թռիչքային նորման կազմում է 10 հազար թռիչք:
Մասնավորապես, պետք է փոխվի անիվների հիմքը, քանի որ «Արմավիա»-ին տրամադրված 95 տեղանոց ինքնաթիռի վրա դրվել են սակավքաշային 75 տեղանոցի սարքավորումներ: