Իսպանական Zara ցանցը և նրա մայր ընկերությունը՝ Inditex Group-ը, Չինաստանի կենտրոնական Հենան նահանգ է ուղարկել 40,000 միավոր բժշկական սարքավորումներ, մասնավորապես պաշտպանիչ հագուստ և դիմակներ՝ կորոնավիրուսի դեմ պայքարելու համար: Այս մասին հաղորդել է Global Times- ը:
Հիշեցնենք, որ Չինաստանում 2019-nCoV վիրուսի հարուցած թոքաբորբի զոհերի թիվը մեկ օրում ավելացել է 108-ով՝ հասնելով 1016-ի, գրեթե 4 հազար հոգի ապաքինվել է: Չինաստանի Հիգիենայի և առողջապահության հարցերի պետական կոմիտեի տվյալներով, Չինաստանում վարակման դեպքերի թիվը գերազանցել է 42,6 հազարը:
Նշենք, որ Inditex Group-ը հիմնադրվել է 1985 թվականին իսպանացի գործարար Ամանսիո Օրտեգայի կողմից: Inditex խմբում ընդգրկված են Zara, Oysho, Massimo Dutti, Bershka, Pull & Bear, Zara Home, Stradivarius, Uterque և այլ ապրանքանիշեր: