Թաիլանդում առևտրի կենտրոնը գրաված, տասնյակ մարդկանց վիրավորած ու սպանած զինծառայող Ջակրափանթ Թոմայի շարժառիթը կենցաղային հողի վրա ծագած վեճն է: Այս մասին հայտարարել է Վարչապետ Պրուտ Չան-օչան, գրում է РИА Новости-ն:
Քաղաքական գործչի խոսքով ՝ Թոմայի և նրա գործընկերների միջև տան վաճառքի հետ կապված անհամաձայնություն է ծագել:
Վերջին տվյալների համաձայն՝ հրաձգությունից սպանվել է 27 մարդ, այդ թվում ՝ հատուկ նշանակության զինծառայողներ, քաղաքացիական անձինք և հենց ինքը՝ դիպուկահարը: Վիրավորվել է 57 մարդ, 45-ն արդեն դուրս է գրվել բժշկական հաստատություններից:
Ավելի վաղ հայտնի է դարձել, որ հատուկ գործողության ընթացքում հանցագործին սպանել են:
Փետրվարի 8-ին Թոման սպանել է իր հրամանատարին, ևս երկու հոգու ռազմական ճամբարում, գողացել ջիպն ու սկսել է փողոցում կրակել մարդկանց վրա: Դրանից հետո գնացել է առևտրի կենտրոն, որտեղ կրկին կրակ է բացել: Հարձակման ընթացքում նա իր գործողություններն ուղիղ հեռարձակել է ֆեյսբուքյան էջում:
