Հարցվածների 85%—ը համոզմունք է արտահայտել, որ այն ծխողները, ովքեր չեն պատրաստվում հրաժարվել սիգարետից, պետք է էլեկտրոնային սիգարետի ու ծխախոտի տաքացման համակարգերի վերաբերյալ ճշգրիտ տեղեկատվության հնարավորություն ունենան։
Հունվարի 20-24-ը 117 երկրներից ժամանած շուրջ 3000 առաջնորդներ, գիտնականներ և քաղաքացիական հասարակության ներկայացուցիչներ հավաքվեցին Շվեյցարիայի Դավոս քաղաքում, որտեղ տեղի ունեցավ հոբելյանական 50-րդ Համաշխարհային տնտեսական ֆորումը (WEF 2020):
2020-ի ֆորումն անց կացվեց «Շահագրգիռ կողմերը միավորված և կայուն աշխարհի համար» խորագրի ներքո, քննարկվեցին բիզնեսի և համաշխարհային տնտեսության առջև ծառացած բնապահպանական և կայունության համաշխարհային մարտահրավերները:
Մասնավորապես, WEF 2020-ի շրջանակներում մեկնարկեց երկու ծրագիր` աշխարհում 1 միլիարդ մարդու կրթություն ստանալու հնարավորություն ընձեռող համաշխարհային կրթական ծրագիրը, ինչպես նաև ամբողջ մոլորակի վրա 1 միլիարդ ծառ տնկելու նախաձեռնությունը:
Ի թիվս այլոց, Ֆիլիպ Մորրիս Ինթերնեյշնլ (Philip Morris International) ընկերությունը ներկայացրեց «Ազատի՛ր միտքդ ծխից․ անծուխ ապագայի ճանապարհին բարդ հարցերի պրագմատիկ պատասխաններ» ուսումնասիրությունը: Որը կատարվել է Պովվադո հետազոտական ընկերության կողմից և Ֆիլիպ Մորրիս ընկերության աջակցությամբ՝ ներգրավելով 17251 չափահասների 14 երկրներից։ Ուսումնասիրությունն անցկացվել է 2019 թ․ դեկտեմբերի 4-19՝ հարցվածների մայրենի լեզվով։
Ուկրաինական РБК Украина պարբերականի փոխանցմամբ, “Unsmoke Your Mind” նախաձեռնության նպատակն է բնակչության շրջանում ծխելու կրճատման հարցում կառավարության դերի վերաբերյալ հասարակական կարծիքի ուսումնասիրությունը: Արդյունքները ցույց են տվել, որ 10 հարցվածներից 9-ը (87%) համաձայն է, որ «կանոնակարգեր մշակելիս կարգավորող և առողջապահական մարմինները պետք է հաշվի առնեն էլեկտրոնային սիգարետի և առանց այրման ծխախոտային սարքերի վերաբերյալ ժամանակակից գիտական հետազոտությունները»:
Մեկ այլ՝ Thailand Today էլեկտրոնային լրատվականի տեղեկությունների համաձայն, հարցվածների 79%-ը համոզմունք է արտահայտել, որ կառավարությունը պետք է ժամանակ ու ռեսուրսներ տրամադրի ծխելու դեմ պայքարելու համար։ Հետաքրքիր է, որ ծխելու կրճատումն ավելի շատ անհանգստացնում է չծխողներին (81%), քան ծխողներին (71%)։
Այն հարցին՝ արդյոք այն ծխողները, ովքեր չեն պատրաստվում հրաժարվել սիգարետից, պետք է առանց ծուխ այլընտրանքի (էլեկտրոնային սիգարետ, ծխախոտի տաքացման համակարգեր և այլն) վերաբերյալ ճշգրիտ տեղեկատվություն ու հասանելիություն ունենան, դրական պատասխան է տվել հարցվածների 85%-ը։
Առանց այրման աշխատող նիկոտին մատակարարող համակարգերի գիտական հիմնավորումը կարգավորման տեսանկյունից հսկայական դեր է խաղում։ Զարմանալի չէ, որ հարցվածների 89 տոկոսը համաձայնել են, որ «նախքան էլեկտրոնային սիգարետն ու թութունի տաքացման համակարգերը սպառողներին ներկայացնելը, արտադրողները պետք է կատարեն հիմնարար հետազոտություններ»:
Վերջին երկու տասնամյակում Ֆիլիպ Մորրիս Ինթերնեյշնլ ընկերությունը ներդրել է ավելի քան 6 միլիարդ ԱՄՆ դոլար՝ առանց ծուխ ապագա կերտելու ու աշխարհը ծխից ազատելու գաղափարն ի կատար ածելու համար։ Նիկոտինի մատակարարման նոր սերնդի արտադրանքը հիմնված է գիտական գնահատման խստապահանջ ծրագրի վրա։ Ներկայումս առաջատար երկրների առողջապահական կառույցներ (այդ թվում՝ ԱՄՆ-ի, Մեծ Բրիտանիայի, Նոր Զելանդիայի ու Ճապոնիայի) անցկացնում են իրենց սեփական հետազոտությունները, որպեսզի վերլուծեն սիգարետի ու նոր սերնդի արտադրանքի տարբերություններն ու վերջինիս տան հիմնավորված կարգավորում։