ԱՄՆ-ում հունվարի 24-ից մտադիր են խստացնել հղի կանանց համար վիզաների տրամադրումը: Այս մասին հայտնում է Associated Press-ը:
Գործակալության տվյալներով, ամերիկյան դիվանագիտական ներկայացուցչությունների աշխատակիցները հղի կանանց վիզաներ տրամադրելու վերաբերյալ հայցերը ստանալուց հետո, ճշտելու են, թե արդյո՞ք նրանք մտադիր են ծննդաբերել Միացյալ Նահանգներում: Եթե այո, ապա այդ կանանց հարցումները կքննարկվեն այնպես, ինչպես ԱՄՆ-ում բժշկական օգնություն ստանալու ցանկություն ունեցող օտարերկրացիներինը:
Բացի այդ, հայցադիմում ներկայացնելիս անհրաժեշտ կլինի բժշկական ծառայությունների վճարման համար բավարար միջոցների առկայության վերաբերյալ տեղեկատվություն տրամադրել: