Այսօր՝ հունվարի 20-ին, Ազգային ժողովում մեկնարկել է 7-րդ գումարման 4-րդ նստաշրջանը: Այժմ քննարկվում է Պետական մրցանակների մասին օրենքի նախագիծը 1-ին ընթերցմամբ ընդունելու մասին հարցը:
Պատգամավոր Արման Բաբաջանյանը իր ելույթում նշեց՝ տարիներ շարունակ այլասերվել է պետական մրցանակի ինստիտուտը. «Այս ինստիտուտը տասնամյակներ շարունակ արժեզրկվել է և ծառայել իշխանության նեղ, մանր նպատակներին, և դրա միջոցով տարբեր ոլորտների ներկայացուցիչներ օգտագործվել են գործող իշխանության կողմից: Արդյոք պետությունն ունի՞ տեսլական, թե ինչ անել, որ պետական մրցանակը ստանա այն նշանակությունն ու իմաստը, որը դրված է այս երևույթի հիմքում»:
Նրա խոսքով՝ կա շատ նուրբ սահմանագիծ պետության գնահատանքի և իշխանության գնահատանքի միջև. նախկինում պետական մրցանակները ծառայել են իշխանական գնահատանքի արժանացնելու համար. «Կարևոր է, որ պետական մրցանակով արտահայտվի պետության շահը»:
Նա հիշեցրեց, որ նախկինում Օհան Դուրյանը, Երվանդ Մանարյանը, Վարդուհի Վարդերեսյանը օրվա իշխանության ուշադրությունից զերծ էին միայն նրա համար, որ ունեին իշխանությունից տարբերվող քաղաքական, քաղաքացիական դիրքորոշում. «Ի՞նչ մեխանիզմներով կարող ենք բացառել իրավիճակի կրկնությունը»:
Մանրամասները՝ տեսանյութում:
