Այսօր՝ հունվարի 20-ին, Ազգային ժողովում մեկնարկել է 7-րդ գումարման 4-րդ նստաշրջանը:
Այժմ քննարկվում է Հանրաքվեի մասին օրենքում փոփոխություններ կատարելու մասին օրենքի նախագիծը:
Պատգամավոր Արման Բաբաջանյանը, անդրադառնալով 50 հազար ստորագրություններին, տարակուսեց և ասաց. «Ես այս նախաձեռնության իմաստը չեմ կարողանում հասկանալ: Ուզում եմ նաև իմանալ, թե միջազգային ինչ փորձ է դրված այս նախաձեռնության հիմքում»:
Նրա խոսքով՝ այլ երկրներում գտնվող ՀՀ քաղաքացիները կարող են շատ հանգիստ օգտագործվել Հայաստանում շահեր հետապնդող այդ երկրների կողմից այսպիսի նախաձեռնությունների համար. «Հաշվարկներ արե՞լ եք: Դուք գիտեք, որ որոշ պարտիզանական ուժեր հատուկ ատելության քարոզչություն են տանում հայկական սփյուռքի տարբեր համայնքներում, և այս առիթը կարող է օգտագործվել: Այս հարցերը դիտարկվե՞լ են»:
Ի պատասխան՝ Համազասպ Դանիելյանն ասաց. «Ես չեմ կարծում, որ այդքան լուրջ ռիսկեր կան»:
Մանրամասները՝ տեսանյութում: