Ադրբեջանի՝ ՄԱԿ ԱԽ ժամանակավոր անդամ դառնալու առնչությամբ Հայաստանի դիրքորոշման, մասնավորապես գործընթացի դեմ պայքարելու մասին «Առաջին լրատվական»-ը զրուցեց քաղաքագետ Սերգեյ Շաքարյանցի հետ.
«Հայաստանը՝ որպես ՄԱԿ-ի անդամ, իրավունք ունի արտահայտելու իր կարծիքը։ Անշուշտ մենք պետք է նախաձեռնություններ առաջ քաշենք, որ Ադրբեջանի անդամակցությունը քննարկելիս այն հինգ մշտական անդամ երկրները՝ ՌԴ-ը, ԱՄՆ-ը, Մեծ Բրիտանիան, Ֆրանսիան և Չինաստանը հաշվի առնեն Ադրբեջանի ոչ կառուցողական դիրքորոշումը ԼՂ բանակցությունների շուրջ։ Հենց այս երկրները պետք է խոչընդոտեն, որ Ադրբեջանը դառնա ՄԱԿ-ի ժամանակավոր անդամ։
Պետք չէ շատ երկար բացատրել, քանի որ այդ երկրներից երեքը ընդգրկված են Մինսկի խմբում և տեղյակ են, թե ինչ պատճառով Ադրբեջանն ի վիճակի չէ անկողմնակալ երկիր լինել։ Եվ նրանց համար հստակ է, որ չի բացառվում, որ Ադրբեջանը ՄԱԿ-ի հարթակը դարձնի հերթական հակահայկական քայլերի ամբիոն, իսկ դա անուղղակիորեն ուղղված կլինի այդ երեք երկրների հեղինակության դեմ։ Հենց այս պատճառը հաշվի առնելով՝ ինձ չի թվում՝ այս երեք երկրները չեն կարող կողմ լինել Ադրբեջանի անդամակցությանը»։
