«Հապաղելու որևէ խնդիր չկա, որովհետև նախ և առաջ ՀՀ Սահմանադրության ժամկետը լրանում է մայիսի երեքին, որևէ խնդիր չկա: Նախարար նշանակելը բավականին լուրջ հարց է»,- ՀՀԿ ԳՄ նիստից հետո «Առաջին լրատվական»-ի հետ զրույցում ասաց ՀՀԿ քարտուղար Հովհաննես Սահակյանը ՝ պատասխանելով մեր այն հարցին, թե ինչո՞ւ են հապաղում որոշ նախարարների նշանակման հարցում:
Դիտարկմանը, թե գուցե նրանց նշանակման հարցում տարակուսանք կա՞, մեր զրուցակիցն ասաց. «Դա ընդամեեը մամուլում տեղ գտած հայտարարությունների դաշտից է, բոլոր նախարարություններն էլ լուրջ ու մտածված են, պետք է բավականին լուրջ մտածել՝ վերանշանակելիս կամ նոր նախարար նշանակելիս»:
Հետաքրքրվեցինք նաև, թե անակնկա՞լ էր իր համար Գալուստ Սահակյանի թեկնածությունը ԱԺ նախագահի պաշտոնում առաջարկելը, Հովհաննես Սահակյանն ասաց. «Գործադիր մարմինը որոշում է կայացրել, որը միաձայն հաստատվել է»:
Հարցին, թե Գալուստ Սահակյանը ամենալա՞վ թեկնածուն էր, Հ. Սահակյանն ասաց. «Ամենալավի խնդիր չկա, ինչպես մեր նախագահնը նշեց՝ այդ որոշումը արդարացի է, որովհետև Ազգային ժողովում Գալուստ Սահակյանը ունի բավականին երկար անցած ճանապարհ»:
Հետաքրքրվեցինք, թե միայն երկար ճանապարհ անցնելը բավարա՞ր հատկանիշ է, մեր զրուցակիցն ասաց. «Ոչ միայն, փորձառություն, մի շարք այլ հատկանիշներ, ինչի մասին երկուշաբթի օրը Գալուստ Սահակյանը կխոսի»:
Մանրամասները՝ տեսանյութում:
