ԱՄՆ-ը, եթե որոշի չբարձրացնել արտաքին պարտքի վերին թույլատրելի շեմը և ստիպված լինի դեֆոլտ հայտարարել, դա համաշխարհային տնտեսության վրա կազդի այնպես, ինչպես ՌԴ 1990-ականների դեֆոլտն ազդեց հետխորհրդային երկրների տնտեսությունների վրա, բայց ավելի մեծ մասշտաբով: Նման համոզվածություն «Առաջին լրատվականի» հետ զրույցում հայտնեց տնտեսագետ Գագիկ Վարդանյանը:
Նրա հիշեցրեց, որ, իհարկե, որոշակի ժամանակային կարգով, բայց ՌԴ դեֆոլտը շատ խիստ ազդեց Հայաստանի վրա: Տնտեսագետը համոզված է, որ ԱՄՆ դեֆոլտը սարսափելի ազդեցություն կունենա ողջ աշխարհի վրա:
«Որքանո՞վ ԱՄՆ-ը պատրատ կլինի նման քայլի գնալ, քանի որ դրանից շատ երկրներ և ամբողջ աշխարհը շատ երկար ժամանակ դուրս չեն գա: Ես վստահ եմ, որ իրենք դեֆոլտի չեն գնա, այլ անպայման կբարձրացնեն պարտքի վերին թույլատրելի շեմը: Սա ուղղակի թատերական ներկայացում է ԱՄՆ կողմից»,- նշեց Գ.Վարդանյանը:
