Վրաստանի հարավ-արևմուտքում և արևելքում վնասվել են մի քանի հետիոտնային կամուրջներ և էլեկտրահաղորդման գծեր։ Այս մասին տեղեկացնում է ITAR-TASS–ը։
Վրաստանի հարավարևմտյան և արևելյան մի շարք շրաններում ապրիլի 26-ին մրրիկի հետևանքով պոկվել են հարյուրավոր տների ու շենքերի տանիքներ, վնասվել են էլեկտրահաղորդման մի քանի գծեր։ Այս մասին լրագրողներին հայտնել են տեղական իշխանությունների ներկայացուցիչները։
Էներգետիկների շարժական խմբերն այժմ աշխատում են վերականգնել վնասված ԷՀԳ-երը։
Մրրիկն ու տեղատարափ անձրևները հանգեցրել են Վրաստանի արևելքում մի քանի հազար հեկտար գյուղատնտեսական ցանքատարածքների հեղեղման և հարյուրավոր անասնագլխաքանակի ու թռչունների ոչնչացման։ Տեղական իշխանությունները հայտարարել են, որ տուժած բնակիչներին օգնություն կցուցաբերվի։
