Հայտնի երգիչ Էնրիկե Իգլեսիասը վերջերս տված հարցազրույցներից մեկում իր կարծիքն է հայտնել երեխաների ներկայիս սերնդի դաստիարակության վերաբերյալ, գրում է storystar.ru-ն:
Նա բացահայտորեն պատմել է, որ ինքը բավական դժվար հարաբերությունների մեջ է եղել հոր՝ Խուլիո Իգլեսիասի հետ: Չնայած դրան՝ երգիչն իր դաստիարակությունը անհամեմատ լավն է համարում, քան ներկայիս երիտասարդ սերնդինը:
Իգլեսիասի կարծիքով՝ ժամանակակից ծնողները չափազանց շատ են երես տալիս իրենց երեխաներին ու դրանով իսկ փչացնում են նրանց:
«Ատում եմ ժամանակակից դեռահասներին թանկարժեք հեռախոսներով ու դիզայներական նորաձև հագուստներով: Ես, ինչպես հարկն է, դաս կտայի նրանց ծնողներին, հենց նրանք են իրենց ձեռքով փչացնում իրենց երեխաների ապագան»,- վրդովվել է երգիչը:
Երգիչը խոստովանել է, որ երազում է դառնալ լավ հայր, և հայրությունը իր համար ավելի կարևոր է, քան պաշտոնական ամուսնությունը:
