Դոնեցկի մարզի Սլավյանսկ քաղաքում սկսվել է ուժային գործողության երկրորդ փուլը: Այս մասին ճեպազրույցում հայտնել է Ուկրաինայի նախագահի վարչակազմի ղեկավարի պաշտոնակատար Սերգեյ Պաշինսկին՝ փոխանցում է ITAR-TASS-ը:
«Այս պահին գործողությունն իրականացվում է: Նպատակն է Սլավյանսկը լիովին արգելափակել՝ խնդիրը տեղայնացնելու համար»,- ասել է նա:
Ուկրաինայի անվտանգության ծառայությունը հաստատում է, որ ուժային գործողության ընթացքում հատուկջոկատայինները գրոհ չեն իրականացնի զոհերից խուսափելու համար:
Ավելի վաղ Ուկրաինայի պաշտպանության նախարարի պաշտոնակատար Միխայիլ Կովալը լրագրողներին հայտնել էր, որ Սլավյանսկում գործողությունն ընթանում է ըստ պլանի:
