Ուկրաինայի Գերագույն ռադայի նշանակած վարչապետ Արսենի Յացենյուկը հայտարարել է, որ Ռուսաստանն ուզում է Ուկրաինայում իր գործողություններով Երրորդ համաշխարհային պատերազմ սկսել, հայտնում է Reuters-ը:
«Աշխարհը դեռ չի մոռացել Երկրորդ համաշխարհային պատերազմը, բայց Ռուսաստանն արդեն ուզում է Երրորդը սկսել»,- հայտարարել է նա՝ նշելով, որ Ուկրաինայում ռազմական հակամարտություն ստեղծելու փորձերը կհանգեցնեն պատերազմի Եվրոպայում:
Ապրիլի 24-ին Ռուսաստանի պաշտպանության նախարար Սերգեյ Շոյգուն հայտարարել է Ուկրաինայի հետ սահմանին զորավարժություններ սկսելու մասին: Նրա խոսքով՝ զորավարժությունները Ուկրաինայի հարավ-արևելքում խաղաղ բնակչության նկատմամբ կիևյան իշխանությունների ուժային գործողությունների պատասխանն են:
