Ամերիկյան Microsoft կորպորացիայի մաքուր շահույթը 2013-2014 ֆինանսական տարվա (ավարտվել է մարտի 31-ին) երրորդ եռամսյակում կրճատվել է 6.5 տոկոսով՝ հասնելով 5.66 մլրդ դոլարի: Այս մասին հայտնում է ITAR-TASS-ը՝ հղում անելով ընկերության հաղորդագրությանը:
Ընկերության եկամուտը հաշվետու ժամանակահատվածում գրեթե չի փոխվել և կազմել է 20.4 մլրդ դոլար:
Եկամուտն օգտատիրական սարքերի ստորաբաժանումից ավելացել է 12 տոկոսով՝ հասնելով 8.3 մլրդ դոլարի: Մասնավորապես, ընկերությունը 500 մլն դոլար է ստացել Surface պլանշետների վաճառքից: Հաշվետու ժամանակաշրջանում Microsoft-ը վաճառել է 2 մլն Xbox խաղային սարք, ներառյալ 1.2 միլիոնը՝ Xbox One:
Սերվերային ծրագրային ապահովման և «ամպային» ծառայությունների ստորաբաժանումը կարողացել է աշխատել 7 տոկոսով ավելի, քան անցած տարի՝ ստանալով 12.23 մլրդ դոլար:
