Ադրբեջանական APA լրատվական գործակալության փոխանցմամբ՝ ԵԱՀԿ Մինսկի խմբի ֆրանսիացի համանախագահ Բեռնար Ֆասիեն իր խորին վշտակցությունն է հայտնել Հայաստանին սահմանակից Թովուզի շրջանի Ալիբեյլի գյուղի բնակիչ, 13-ամյա ադրբեջանցի աղջնակի մահվան ապակցությամբ։
Ադրբեջանական կողմի պնդմամբ՝ հուլիսի 14-ին հայերը գետով պայթուցիկ են ուղարկել, ինչը հայտնվելով իր շան հետ խաղացող ադրբեջանցի աղջնակի մոտ՝ պայթել է։
Այս կապակցությամբ Ֆասիեն հայտնել է, որ այդ իրադարձությունը հերթական անգամ ապացուցում է որոշ ժամանակ առաջ իրենց կողմից ներկայացված նմանատիպ միջադեպերի հետաքննման մեխանիզմի վերաբերյալ առաջարկի օգտակարությունը.
«Հակամարտող կողմերի կողմից այդպիսի մեխանիզմի ընդունումը կարևոր է թե՛ մարդկային կորուստների կանխման տեսանկյունից, թե՛ իրավիճակի սրման կանխման տեսանկյունից։ Վերջին աղետը հերթական անգամ ապացուցեց դա»։
Ադրբեջանական կողմը նշում է, որ դեպքի վայրում 1994 թվականին տեղի է ունեցել համանման ևս մեկ դեպք։ Վերցնելով հայկական կողմից գետով ուղարկված խաղալիքը, զոհվել էին 2 երեխաներ, վիրավորվել 1-ը։
