Ամերիկացի կատակերգու դերասանները նշել են Շեքսպիրի 450-ամյակը՝ նրա պիեսները ներկայացնելով ինքնաթիռում՝ ավելի քան 11 հազար մետր բարձրության վրա՝ հավակնելով գրանցվել Գինեսի ռեկորդների գրքում: Այս մասին գրում է Ria Novosti-ն:
Երեք դերասաններից բաղկացած The Reduced Shakespeare Company-ն հիմնվել է 1981-ին:
Դերասանների վերջին «շոու»-ի հանդիսատեսներն են դարձել ապրիլի 23-ին Լոնդոնից Վերոնա մեկնող Easyjet ավիաընկերության ինքնաթիռի ուղևորները: Մոտ մեկ ժամվա ընթացքում դերասանները զվարճացրել են նրանց «Ռոմեո և Ջուլիետ»-ի, «Համլետ»-ի, «Օթելլո»-ի, «Մակբեթ»-ի և Շեքսպիրի այլ ստեղծագործությունների իրենց տարբերակներով:
