ԱԺ պատգամավոր Արման Բաբաջանյանը ֆեյսբուքյան իր էջում գրել է.
2016-2018թթ. մանկահասակ շուրջ 100 երեխաների վաճառքի քրգործի վերաբերյալ ակնկալում եմ առնվազն մի քանի բարձրաստիճան պաշտոնյաների պարզաբանումը:
Այդ տարիներին Աշխատանքի և սոցիալական հարցերի նախկին նախարար ՀՀԿ անդամ Արտեմ Ասատրյանը պետք է մանրամասներ ներկայացնի, թե անձամբ ինքը, իր կուսակցությունը, կուսակցության ղեկավարը և պետական մեքենայի այլ որ օղակներն են ներգրավված եղել այս գործում:
Ըստ գործի նյութերի երեխաներից երեսունը որդեգրվել և ուղարկվել է Իտալիա: Այդ տարիներին 2016թ. մայիսից Իտալիայի հանրապետությունում մեր երկրի արտակարգ և լիազոր դեսպան նշանակված Վիկտորիա Բաղդասարյանը և Սուրբ աթոռում Հայաստանի արտակարգ և լիազոր դեսպան, Սերժ Սարգսյանի փեսա Միքայել Մինասյանը, ինչպես նաև այդ տարիներին Հայաստանում Իտալիայի արտակարգ և լիազոր դեսպան Ջովաննի Ռիչուլին և գործող դեսպան Վինչենցո Դել Մոնակոն պետք է պարզաբանեն քրգործում Իտալիային վերաբերող տեղեկատվությունն ու Հայաստանի իրավապահներին տրամադրեն երեխաների ողջ լինելու վերաբերյալ իրեղեն ապացույցներ, անհրաժեշտության դեպքում Իտալիայում ֆիզիկական հասցեների տրամադրմամբ:
https://www.facebook.com/arman.babajanyan.92/posts/3103134466382330
