Բելգիայի, Էստոնիայի, Նիդեռլանդների և Նորվեգիայի հինգ հատուկ նշանակության ռազմանավեր Ուկրաինայի իրադարձությունների ֆոնին ականազերծման զորավարժություններ կանցկացնեն Բալթիկ ծովում` դաշնակիցների անվտանգությունը ամրապնդելու ՆԱՏՕ-ի ջանքերի շրջանակներում: Այս մասին է գրում Associated Press-ը:
ՆԱՏՕ-ի ծովային օպերացիաների շտաբի հրամանատար Արիան Մինդերհաուդը հայտարարել է, որ զորավարժությունները «միջոցների մի ամբողջ փաթեթի մասն են կազմում, որոնք պետք է ցույց տան ՆԱՏՕ-ի պատրաստակամությունը և վճռականությունը»:
Ավելի վաղ ՆԱՏՕ-ի գլխավոր քարտուղար Անդերս Ֆոգ Ռասմուսենը հայտարարել է, որ դաշինքի ղեկավարությունը պայմանավորվել է ուժեղացնել Արևելյան Եվրոպայի իր անդամների պաշտպանունակությունը Ուկրաինայի ճգնաժամի խորացման պատճառով:
