«Կա երկու կարևոր հանգամանք: Առաջինը՝ երկրները հասկացել են, բայց նույն Էրդողանը պետք է հասկանա, որ ժխտելով ցեղասպանությունը, ինքն իրեն նույնացնում է այն հանցագործների հետ, ցեղասպանություն իրականացնողեների հետ: Այսինքն՝ Էրդողանը իրեն համարում է ցեղասպանությունը կատարողների իրավահաջորդը: Դա իր համար սխալ է: Նա սխալ է պատկերցնում քաղաքական և իրավական հետևանքները:: Երկրորդը՝ երկրները, այդ թվում, նախ ԱՄՆ-ն, հաշվի չեն առնում այն գործոնը, որը ժամանակին սահմանափակում կամ կաշկանդում էր ԱՄՆ-ին այս մակարդակով ընդունել Հայոց ցեղասպանության հարցը»,-«Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր Հովհաննես Իգիթյանը՝ անդրադառնալով ԱՄՆ Սենատի ընդունած հայերի ցեղասպանությունը ճանաչող և թուրքերի ժխտողականությունը դատապարտող բանաձևին: