Դերասան Մայքլ Իգանը, ով ռեժիսոր Բրայան Սինգերին մեղադրել էր մանկապղծության մեջ, հայտնել է ևս 3 բարձրաստիճան հոլիվուդյան գործչի անուն՝ գրում է The New York Daily News-ը:
Ավելի վաղ հայտնում էին, որ Իգանը Սինգերին մեղադրել է բռնաբարության մեջ, որը, իբր, տեղի է ունեցել Հավայան կղզիներում: Նա պնդում է, որ 15 տարեկանից իրեն՝ սկսնակ դերասանին, պարբերաբար ստիպել են սեքսով զբաղվել և թմրանյութեր են տվել՝ խոստանալով հոլիվուդյան կարիերա:
Իգանի խոսքով՝ ինքը 1990-ականներին սեքսուալ բռնության է ենթարկվել NBC Entertainment-ի նախկին ղեկավար Գարթ Անսիերի կողմից: Իգանը համանման վարքագծի մեջ է մեղադրել նաև Disney-ի նախկին թոփ-մենեջեր Դևիդ Նոյմանին և Բրոդվեյի պրոդյուսեր Գերի Գոդարդին: Բոլոր 3 կինոգործիչների դեմ հայց է ներկայացված:
Նոյմանը բոլոր մեղադրանքները «բացարձակ սուտ» է անվանել: Գոդարդի փաստաբանն ասել է, որ Իգանի հայտարարություններն անհիմն են: Անսիերը չի մեկնաբանել:
