Ուկրաինայի նախագահի թեկնածուները սկսում են նախընտրական քարոզարշավն ազգային Առաջին հեռուստաալիքի եթերում: Թեկնածուներին կես ժամից ոչ պակաս անվճար եթերային ժամանակի տրամադրման կարգը որոշել է ԿԸՀ-ն քվեարկության արդյունքում: Այս մասին հայտնում է ITAR-TASS-ը:
Ինչպես հայտնել են ԿԸՀ քարտուղարությունում, ազգային Առաջին հեռուստաալիքի եթերում 23 թեկնածուներից յուրաքանչյուրին տրամադրվում է երկու անգամ ելույթի հնարավորություն՝ ապրիլի 22-ից մայիսի 22-ն ընկած ժամանակահատվածում, և ևս երկու անգամ՝ Ուկրաինայի ազգային ռադիոընկերության առաջին ալիքի եթերում՝ մայիսի 5-23-ը:
Տիմոշենկոյին անվճար հեռուստաեթեր կտրամադրվի մայիսի 5-ին, իսկ գործարար Պյոտր Պորոշենկոյին՝ մայիսի 8-ին:
ԿԸՀ-ում գրանցված է 23 թեկնածու, ովքեր ներկայացնում են ուկրաինական քաղաքական ողջ գունապնակը: Նրանցից 9-ն առաջադրված են կուսակցություններից:
Ընտրությունները կանցկացվեն մայիսի 25-ին:
