Առաջին ժամադրության ժամանակ զուգընկերոջ վրա տպավորություն թողնելու համար ընդամենը 12 րոպե է տրվում, վկայում են գիտական նոր աշխատանքի արդյունքները: Այս մասին է գրում lady.ru-ն:
Ուսումնասիրության համաձայն՝ պոտենցիալ զուգընկերը առաջին հերթին գնահատում է ժպիտը (64%), աչքերը (58%) և ձայնի տեմբրը(25%):
Նոր ուսումնասիրությանը ավելի քան 2000 մարդ է մասնակցել, որոնց գիտնականները հարցրել են իրենց առաջին համբույրի մասին: Ինչպես պարզվել է, մարմնի հոտը ամենից շատ վանող առանձնահատկությունն է հանդիսանում, դրան հետևում է բերանի հոտը, որն անընդունելի է համարվում:
Ընդ որում, տասը հոգուց չորսի մոտ հետաքրքրությունն անցնում է, երբ առաջին իսկ հանդիպմանը տարաձայնություններ են առաջանում: Ընդ որում, ուսումնասիրության արդյունքները ցույց են տվել նաև, որ մարդիկ միմյանց մասին կարծիք են կազմում մինչև հանդիպելը:
Մարդկանց 6%-ը սկսում է տվյալներ հավաքել այն մարդու մասին, ում հետ պատրաստվում է ժամադրության գնալ: Իսկ 25%-ը արտաքինի մեծ փոփոխություններ կանեն տպավորություն թողնելու համար:
Ուսումնասիրությունը ցույց է տվել նաև, որ առաջին հանդիպման տապալման դեպքում տղամարդիկ կրկնակի անգամ ավելի լիբերալ են, քան կանայք։ Նրանք կառաջարկեն կնոջը կրկին հանդիպել:
