Լյուքսային բրենդները պայքարում են չինական գնորդի համար:
Չնայած, որ բացման օրը կազմակերպիչների կողմից մամուլի օր էր հայտարարվել, ավտոսրահ էին եկել ավելի քան հազար մարդ: Հաճախորդներին հետաքրքրել են հասանելի դասի մեքենաները: Այցելուներն իրենց չեն զրկել շքեղ մեքենաների ղեկին նստելու հաճույքից: Լյուքսային բրենդները նույնպես հանրությանն ուրախացրեցին իրենց նոր մոդելներով:
Անցած տարի Չինաստանում էլիտային մեքենաների վաճառքը տապալվել է: Շատերը դա կապում են իշխանությունների ծավալած խնայողության քաղաքականության հետ: Սակայն, արտադրողներն ապագային լավատեսորեն են նայում՝ նշելով, որ մի երկրում, որը ԱՄՆ-ից հետո միլիարդատերերի քանակով երկրորդ տեղն է զբաղեցնում, թանկարժեք մեքենաներ գնողներ միշտ էլ կգտնվեն:
Մասնագետները նշում են, որ աշխարհում մեծությամբ երկրորդ տնտեսությունն ունեցող Չինաստանում շուկայի պոտենցիալը բարձր է մնում: Երկրի շուկայում ներկայացված են շքեղ մեքենաների գրեթե բոլոր մակնիշները: Եվ չինական գնորդի համար նրանք թեժ պայքար են մղում:
Տեղի գնորդները ցանկանում են շուկայում իրենց պահանջները բավարարող մեքենաներ տեսնել: Իսկ արտադրողները պատրաստ են բավարարել նրանց ցանկացած պահանջները:
