Այսօր՝ դեկտեմբերի 9-ին, Ազգային ժողովում շարունակվում է հերթական նստաշրջանի աշխատանքը: Այժմ քննարկվում է Օպերատիվ հետախուզության գործունեության մասին օրենքում փոփոխություններ կատարելու մասին հարցը:
Պատգամավոր Արման Բաբաջանյանը հիշեցրեց, թե ինչ օր է այսօր. «Ուղիղ մեկ տարի առաջ այս օրը տեղի ունեցան խորհրդարանական ընտրություններ: Հիշենք նաև, թե այդ ընտրություններն ինչի համար էին, և թե որքանով է կառավարությունը, հատկապես արդարադատության նախարարությունը, հապաղել բարեփոխումների հարցում»:
Նա նկատեց, որ այդ հայտնի փոփոխությունը կատարվել է 2007թ. հոկտեմբերին, երբ Լևոն Տեր-Պետրոսյանը ընդամենը 1 ամիս առաջ հայտարարել էր նախագահի թեկնածու առաջադրվելու մասին. «Եվ Սերժ Սարգսյանը, որը ՀՀԿ-ն արդեն համալրել էր իր քրեական ընկերներով, օլիգարխներով, անհրաժեշտ էր համարել, որ ամբողջ տեղեկությունները հավաքեր իր բռում՝ ԱԱԾ-ում՝ դրանով ոստիկանությանը զրկելով գաղտնալսելու և փոխզսպումների հնարավորությունից»:
Պատգամավորի կարծիքով՝ արդարադատության նախարարության վերապահումը այս պահին անհասկանալի է. «Կոչ եմ անում արդարադատության նախարարությանը բարեփոխումներին տեմպ տալ»:
Մանրամասները՝ տեսանյութում:
