38-ամյա Մհեր Դարբինյանի գործով դատավարությունը, որն անցկացվում է Լոս Անջելեսի դաշնային դատարանում, ավարտվել է մեղադրական վճռով: Նրան սպառնում է 973 տարվա ազատազրկում: Այս մասին հայտնում է BBC-ն:
Մհեր Դարբինյանը մեղավոր է ճանաչվել մեղադրական եզրակացության 57 կետով, ներառյալ դավադրություն՝ կազմակերպված հանցավոր գործունեությունում մասնակցության նպատակով, շորթում, բանկային խարդախություն, կրեդիտ քարտեր հետ կապված խարդախություն, անձնական տվյալների գողություն, հրազենի պահում, ինչը նրան արգելված էր՝ կապված նախկին դատվածությունների հետ:
Ինչպես ասվում է Կալիֆոռնիայի Կենտրոնական շրջանի դատախազության հայտարարությունում, գտնվելով բանտում, Դարբինյանը նաև մասնակցել է հանցավոր գործունեության՝ մեքսիկական մաֆիայի անդամների հետ համատեղ:
Դարբինյանին («Կապոնե»,«Կեպս»,«Հոլիվուդցի Մայք») անվանում են Armenian Power հանցավոր խմբավորման պարագլուխ: Խմբավորումը, որում հաշվում է 200-250 անդամ, հիմնականում կազմված է երիտասարդ հայ ներգաղթյալներից:
2011-ին իշխանությունները հայտարարել են մոտ 100 անդաների դեմ քրեական գործերի հարուցման մասին, որոնց մեղադրել են առևանգման, շորթման, խարդախությունների մի քանի տեսակների և թմրանյութերի վաճառքի մեջ: Ձերբակալությունները կատարվել էին Կալիֆոռիայում, ինչպես նաև Դենվերում և Մայամիում:
Մինչ օրս դատապարտվել են 85 մեղադրյալներ: 2-ը սպասում են դատին, ևս 2-ը փախուստի մեջ են: Ամբաստանյալներից մեկի դեմ գործը կարճվել է:
