Սոցիալական կանոնները պահանջում են, որպեսզի մարդիկ միմյանց անընդհատ բարություն ցույց տան, եթե նույնիսկ վատ տրամադրություն ունեն: Հատուկ նրանց համար, ովքեր չեն կարողանում բարի հայացք ձևացնել, ստեղծվել են յուրահատուկ AgensyGlass ակնոցները, որոնք ծիծաղելի և բարի են դարձնում նույնիսկ ամենալուրջ դեմքը, գրում է hitech.vesti.ru-ն:
Գաջեթը մշակել է Ցուկուբայի համալսարանի պրոֆեսոր Հիրոտակա Օսավան: Արհեստական աչքերը կարողանում են թարթել, կկոցել և այլն: Օսավան նշում է, որ նրա սարքավորումը շատ է օգնում մարդկանց, ովքեր շփման հետ խնդիրներ ունեն. ակնոցներն օգնում են թաքցնել աչքերը, ինչը մեծացնում է մարդկանց ինքնավստահությունը և թուլացնում է նյարդերը:
AgensyGlass-ի օգնությամբ կարելի է թաքցնել քնելու փաստը: Լեկցիայի ժամանակ ննջացող ուսանողը կարող է վիրտուալ հայացքով նայել պրոֆեսորին:
