ՌԴ ԿԳՆ փորձագետները պարզել են, որ Խորհրդային միության փլուզումից հետո ռուսաց լեզու ուսումնասիրող արտասահմանցիների թիվը երկու անգամ կրճատվել է:
2018 թվականի տվյալներով՝ աշխարհում ռուսաց լեզու է ուսումնասիրում մոտ 38,2 միլիոն մարդ: 1990-ականների սկզբներին ռուսերեն ուսումնասիրող մարդկանց թիվն աշխարհում ավելի քան 74 միլիոն էր: Դրանից հետո լեզվի նկատմամբ հետաքրքրությունը սկսեց նվազել: 2004 թվականին այդ թիվն արդեն 51,2 միլիոն էր կազմում նախկին 74 միլիոնի փոխարեն:
Նշվում է, որ ներկայումս ռուսերենը այլ երկրներում ուսումնասիրվող լեզուների շարքում գտնվում է տասներորդ հորիզոնականում: Այն սովորում են 27 երկրներում: Առաջին տեղում մնում է անգլերենը, երկրորդ տեղում ներկայումս չինարենն է: