Այսօր՝ նոյեմբերի 15-ին, Ազգային ժողովում շարունակում է քննարկվել 2020թ. բյուջեի նախագիծը:
«Հռչակել եք տնտեսական հեղափոխություն, բարի եղեք՝ իրականացրեք: Քայլերով ասեք, որ տարիուկես հետո մենք հասնելու ենք այսինչին»,- «Բարգավաճ Հայաստան» խմբակցության անունից ելույթ ունենալով՝ հայտարարեց Միքայել Մելքումյանը:
Նա հարց բարձրացրեց՝ 70 հազար աշխատատեղը եղե՞լ է, թե՞ նոր է ստեղծվել. «Գուցե էկոնոմիկայի նախարարն ասի՝ դրա որ մասն է ստվերից դուրս եկել, որ մասն է ստեղծվել»:
«Եղե՞լ է տրանսֆորմացիա, որ բիզնեսներ են վաճառել, և նոր խաղացողներ են մտել: Պետական ծախսերի թերի կատարումը մեկ անգամ ևս ապացուցում է, որ էդ իգրոկները չկան. 2-3 խաղացողներն են, նորեր չկան»,- ասաց Միքայել Մելքումյանը:
Նա հավելեց, որ «Բարգավաճ Հայաստան»-ը չի կիսում այս բյուջեի քաղաքական պատասխանատվությունը. «Մենք միանշանակ դեմ ենք քվեարկելու այս բյուջեի նախագծին»:
Մանրամասները՝ տեսանյութում:
