Microsoft ընկերությունը գործարկել է Office 365 «ամպային» ծառայությանը բաժանորդագրվելու նոր՝ ավելի հասանելի ձև: Այժմ Office գրասենյակային ծրագրերի փաթեթն ավելի հասանելի է դարձել նաև iPad պլանշետների համար: Այս մասին հայտնում է Microsoft-ի բլոգը: Apple-ի պլանշետներով ծառայությունից օգտվողների համար ամսական բաժանորդավճարը կկազմի 5.5 դոլար: Խոսքը «Անձնական» սակագնային պլանի մասին է:
Ավելի վաղ օգտատերերը կարող էին բաժանորդագրվել միայն «Տան համար» ավելի թանկ սակագնային ծրագրին: Այն նախատեսված է ընտանիքի համար՝ ամսական 6.9 դոլար բաժանորդավճարով:
Շնորհիվ նոր սակագնային ծրագրի՝ Microsoft-ը Office փաթեթն ավելի գրավիչ է դարձրել անհատ օգտվողների համար:
