Միսս Մոսկվա 2015 տիտղոսակիր Օկսանա Վոեվոդինան առաջին անգամ ցույց տվեց Մալայզիայի նախկին թագավոր Սուլթան Քելանթան Մուհամմադ V-ից ունեցած որդուն: Լեոն անունով տեսանյութը հրապարակել է Daily Mail թաբլոիդը:
«Սա իմ արքայազնն է», – ասաց 27-ամյա գեղեցկուհի թագուհին՝ ներկայացնելով հինգ ամսական որդուն: Ըստ Վոեվոդինայի, երեխան շատ նման է հորը՝ Մուհամմադ V-ին, քանի որ տղան ասիական արտաքին ունի:
«Ես ուզում եմ ձեզ ներկայացնել Իսմայիլ Լեոնին, նա շատ գեղեցիկ երեխա է և նույնքան խելացի, որքան մայրը»,- շեշտեց նախկին «Միսս Մոսկվան»:- Նա հոր նման գեղեցիկ է: Նաև շատախոս է: Ես սիրում եմ նրան»:
Կինը պնդում է, որ ինքն ու Մուհամմադ V-ը նախօրոք են պլանավորել հղիությունը: «Մենք սկսեցինք երեխա պլանավորել հարսանիքից հետո՝ 2018 թվականի հունիսին, – հիշում է նա: – Գնացինք ուղևորության՝ մեղրամսի նման մի բան: Թռանք Ավստրալիա, որտեղ ես հղիացա»:
Ըստ նրա՝ Մալայզիայի նախկին թագավորը շատ է ուրախացել՝ իմանալով առաջիկա հայրության մասին: «Նա արտասվեց՝ ասելով՝ «Ես հայր եմ դառնալու, որքան երջանիկ եմ », – պատմում է մոդելը:
Ավելի վաղ հաղորդվել է, որ Վոեվոդինան որոշում է կայացրել Մուհամմադ V-ի հայրությունը ապացուցել դատարանի միջոցով, որի համար նա ստիպված կլինի ԴՆԹ թեստ անցնել: Եթե նախկին թագավորը չներկայանա դատական նիստին կամ հրաժարվի թեստ հանձնելուց, դատարանը ինքնաբերաբար նրան Լեոնի կենսաբանական հայր կճանաչի:
Մուհամմադ V- ի և Վոեվոդինայի ամուսնալուծության մասին հայտնի դարձավ հուլիսի 17-ին: Ըստ մալայզիական New Straits Times թերթի՝ զույգը ապահարզանի համար Սինգապուրի դատարան է դիմել հունիսի 22-ին, իսկ ամուսնալուծության գործընթացն ավարտվել է հուլիսի 1-ին:
