Ընտանիքում բռնության կանխարգելման ինստիտուտը պետք է աշխատի եւ զարգանա: Այս մասին, այսօր՝ հոկտեմբերի 31-ին, կառավարության նիստում նշեց ՀՀ վարչապետ Նիկոլ Փաշինյանը
«Այն տրամաբանությունը, որ իմ ընտանիքի անդամն է, ինչ ուզում, անում եմ, ուզում եմ՝ ծեծում եմ, չեմ ուզում՝ չեմ ծեծում, այս մոտեցմանը մենք ասում ենք՝ ոչ: Ոչ մեկն իրավունք չունի բռնանալ ՀՀ քաղաքացու իրավունքների վրա»,-հայտարարեց Նիկոլ Փաշինյանը:
Նրա խոսքով, այդպիսի ուժեր կան նաեւ կառավարության մեջ. «Մենք պետք է արմատախիլ անենք տգիտության քարոզով զբաղվող բոլոր մարդկանց պետական համակարգից, մինչեւ վերջին մանրուքը, ընդհուպ պինցետով, որ ոչ մի մոլեկուլ չմնա էդ բացիլի»,-ընդգծեց վարչապետը: