Facebook-ի հասույթն ընթացիկ տարվա երրորդ եռամսյակում կազմել Է 17,652 մլրդ դոլար՝ 2018 թվականի համապատասխան ժամաանակաշրջանի 13,7 մլրդ դոլարի համեմատությամբ ավելանալով 29 տոկոսով: Այդ մասին վկայում Է Facebook-ի՝ հոկտեմբերի 30-ին հրապարակված կորպորատիվ հաշվետվությունը, որին պատկանում Է համանում սոցիալական ցանցը: Հաշվետվության համաձայն՝ ընկերության զուտ շահույթը երրորդ եռամսյակում փոքր-ինչ գերազանցել Է 6 մլրդ դոլարը: Այդ ցուցանիշը 19 տոկոսով աճել Է անցյալ տարվա երրորդ եռամսյակի 5,137 մլրդ դոլարի համեմատությամբ: Այն մարդկանց թիվը, որոնք պարբերաբար Facebook են մտնում, սեպտեմբերի 30-ին ավարտված երեք ամսվա ընթացքում 8 տոկոսով ավելացել Է 2018 թվականի երրորդ եռամսյակի համեմատությամբ եւ հասել 2,45 միլիարդի: Խոսքը վերաբերում Է նրանց, ովքեր սոցցանց են մտնում ամսական մեկ անգամից ոչ պակաս: Ընկերության գնահատումների համաձայն՝ ընթառիկ տարվա սեպտեմբերին օրական առնվազն մեկ անգամ Facebook-ից օգտվել Է 1,62 մլրդ մարդ: Այդ ցուցանիշն աճել Է 9 տոկոսով, հաղորդել Է ՏԱՍՍ-ը:
