Ինչպես ասել եմ, շարունակում եմ ասել, որ այն իրավապահ մարմինը, որը այնպիսի մարմնին կամ անձին առընչվող գործ է քննում, որը կամ սահմանադրական դատարանի, կամ ուղղակի դատավոր է, պետք է չափի զգուշավորություն և շրջահայացություն դրսևորի։
Այս մասին այսօր լրագրողների հետ զրույցում ասաց արդարադատության նախարար Ռուստամ Բադասյանը։
«Չի կարող լինել իրավիճակ, որ կախված տվյալ անձի կարգավիճակից ուղղակի քննություն չտարվի։ Այդ դեպքում մենք ուղղակի կհանգենք աբսուրդի։ Ցանկացած հանցագործության մաս պետք է քննարկվի օրենքի շրջանակներում, բոլոր երաշխիքների պահպանմամբ»,-ասաց նախարարը։
