Թուրքիայի նախագահ Ռեջեփ Թայիփ Էրդողանը հայտարարել Է, որ ԱՄՆ-ը պարտավոր Է հանձնել «Սիրիայի դեմոկրատական ուժեր» (ՍԴԿ) քրդա-արաբական դաշինքի հրամանատար Մազլում Քոբանի Աբդիին:
«Քոբանին հետախուզվում Է Ինտերպոլի «կարմիր ծանուցմամբ»: ԱՄՆ-ը պարտավոր Է նրան հանձնել Թուրքիային»,- Էրդողանի խոսքը մեջբերում են թուրքական ԶԼՄ-ները:
Նա քննադատության Է ենթարկել Գերմանիայի, Ֆրանսիայի և ԱՄՆ-ի այն ղեկավարներին ու քաղաքական գործիչներին, որոնք հանդիպել են ՍԴԿ-ի ներայացուցիչների հետ: Դրա հետ մեկտեղ Թուրքիայի նախագահը նշել Է, որ ԱՄՆ-ի նախագահ Դոնալդ Թրամփի հետ իր հարաբերությունները լավ են, իսկ իրենց զրույցները՝ «անկեղծ»:
Բացի այդ, Թուրքիայի ղեկավարը հայտնել Է, որ Անկարան «դիտորդական ու հսկիչ գործառույթներ կիրականացնի Մանբիջի շրջանում»:
Էրդողանը նաև հայտարարել Է, որ նոյեմբերի 13-ին պաշտոնական այց կկատարի Վաշինգտոն, հաղորդել Է «Ինտերֆաքս»-ը: