Ուկրաինայի համար ԱՄՀ ծրագիրը կներկայացվի Հիմնադրամի տնօրենների խորհրդի հաստատմանը «ապրիլի վերջին կամ մայիսի առաջին օրերին»։ ԱՄՀ կարգադրիչ-տնօրեն Քրիստիան Լագարդն այս մասին հայտնել է մամլո ասուլիսում, ԱՄՀ-ի ու Համաշխարհային բանկի ղեկավար մարմինների գարնանային նստաշրջանի նախօրեին։
ITAR-TASS-ի թղթակցի հարցին, թե ծրագիրը կնախատեսի՞ միջոցներ Ռուսաստանին Ուկրաինայի ունեցած գազային պարտքի մարման և ժամանակին ընթացիկ վճարումների իրականացման համար, հետևել է ընդհանուր առմամբ դրական պատասխան։
Ծրագիրը «պետք է ներառի հնարավորություններ ցանկացած օրինական պարտատերերի հիմնավորված վճարումների համար»,- ասել է Լագարդը։
Հարցին՝ որքանո՞վ է նա վստահ ուկրաինական ծրագրի հաջողության մեջ, և չի՞ կարող արդյոք դրա պոտենցիալ ձախողումը սասանել վստահությունը ԱՄՀ-ի հանդեպ, Լագարդը պատասխանել է. «Մենք չենք բանակցում անհաջողության հաշվարկով»։
