Facebook-ը գիտակցել է, որ սոցցանցի անվտանգության կարգավորումները բարդ են շարքային օգտատերերի համար: Ընկերության անցկացրած հարցումները ցույց են տվել, որ աշխարհում վիթխարի թվով մարդիկ ամբողջովին չեն հասկանում, թե ինչպես աշխատել անվտանգության կարգավորումների հետ: Դա հիմք է տվել ընկերությանը վերափոխել կարգավորումները:
Փոփոխություններն ուժի մեջ կմտնեն առաջիկա շաբաթներին: Նախկինում Facebook-ում գրառումները կարելի էր հրապարակել «բոլորի համար», «ընկերների համար» կամ մենակ քեզ համար, սակայն շատ օգտատերեր գանգատվել են, որ Facebook-ը չի հստակերել, որ «բոլորի համար» կարգավորումը նշանակում է, որ գրառումը կարող են տեսնել նաև սոցցանցում չգրանցված մարդիկ: Այժմ առաջարկվող տարբերաներին կավելանա նաև դա:
Facebook-ը պարզել է նաև, որ օգտատերերը կարգավորումներին չեն տիրապետում նաև բջջային հավելվածներում: Շատ օգտատերեր պարզապես չեն իմացել անվտանգության տարբեր մակարդակներ մատնանշող պիկտրոգրամների նշանակությունը: Այժմ դրանք կուղեկցվեն պարզաբանումներով և կտեղակայվեն էկրանի առանձին բաժնում: Այս մասին հայտնում է Cnet-ը:
Նախկինում սոցցանցն արգելել է օգտատերերին թաքցնել պրոֆիլի լուսանկարը՝ որոնումը հեշտացնելու համար, այժմ նման հնարավորությունն իրականացվում է:
Facebook-ը մշակում է նաև հուշումեր, որոնք բացատրում են անվտանգության համակարգի աշխատանքը:
